Rebelohet Kovacic, nuk pranon të dal në stërvitje te Reali

20:56 | 6 Gusht 2018
Arbresh.info

Matteo Kovacic nuk po dëshiron të jetë më pjesë e Real Madridit.

Reprezentuesi kroat duket se më nuk e ka në plan të vazhdojë të jetë pjesë e madrilenëve.

Lojtari erdhi në Valdebebas këtë mëngjes dhe pasi bisedoi me klubin, ka vendosur të mos vesh këmishën e Los Blancos. Të paktën për momentin.

Futbollisti dëshiron të di të ardhmen e vetë dhe po pret që t’i garantohen më shumë minuta në fushën e blertë.

Lojtari ka kontratë të vlefshme me kampionët e Evropës dhe Botës deri në verën e vitit 2021 dhe vlera aktuale sipas transfermarkt.de është 30 milionë euro.

Sipas medieve spanjolle, 24-vjeçari mund të rikthehet në Serie A duke iu bashkuar ish-skuadrës, Inter, por shërbimet e mesfushorit po i kërkon edhe Tottenham Hotspur.

Ndryshe, Kovacic gjatë tre vjetëve në Real ka pasur 73 paraqitje dhe ka shënuar një gol.

Shpërndaje në rrjete sociale

Lajmet më të lexuara

Të ngjashme

Foto lajm